राजन लुइटेल (गजल )

ज्यानै फाली ला'को माया फेरी कतै छुट्ने हो कि ? दैव दशा उल्टिएर हाँसो खुसी लुट्ने हो कि ?

बल्ल बल्ल नयनमा बर्सिएका आशा माथी, मडारिदै कालो बादल आँशु मुल फूट्ने हो कि ?

सिर्जनाको फूल फूल्यो यौवनको फाँट भरि, प्रतिक्षाको फल पनि असिनाले चुट्ने हो कि ?

मुस्कान छाड्ने ओठभरि निराशाको छाँया परि, जिन्दगी यो सिसा जस्तै एकै क्षणमा टुट्ने हो कि ?

ज्यानै फाली लाको माया फेरी कतै छुट्ने हो कि ?

दैव दशा उल्टिएर हाँसो खुसी लुट्ने हो कि ? दोहा- कतार